Naga-selebrar sang 3rd founding anniversary subong nga adlaw ang Philippine Coast Guard District Southern Visayas.
Nangin dinapit nga bisita sa selebrasyon si PCG commandant, Admiral George Villareal Ursabia Jr.
Sa interview sang Bombo Radyo Bacolod kay Ursabia, aminado ini nga ginakulang gid ang personnel sang PCG.
Suno sa iya, may yara lamang sang 18,500 personnel karon apang 40 mil ang ila kinahanglan.
Gina-engganyo sini ang publiko nga magsulod sa ila hanay agud magserbisyo sa pungsod.
Panugyan ni Ursabia sa mga interesado nga mangin kabahin sang PCG nga dapat determinado kag willing gid nga iperform sang husto ang obligasyon.
Kadungan sang selebrasyon, nangin bukas naman sa publiko ang PCG vessels nga BRP Gabriela Silang kag BRP Cape Engaño.
Nahibalaun nga ang BRP Silang ang pinakadako nga offshore patrol vessel sang Coast Guard.
Ini naman ang ikatatlo nga kahigayunan nga nagdungka ang amo nga barko sa Bacolod sini nga tuig.
