Suportado sang Progressive Alliance of Capitol Employees (PACE) ang lihok sang provincial governmenta anga isaylo sa ciudad sang Talisay ang seat of government.
Madumduman nga ginapatun-an na karon ni Negros Occidental Governor Eugenio Jose “Bong” Lacson ang pagsaylo sang capitol building sa 25-hectares nga property sang probinsya sa Barangay Matab-ang, Talisay City.
Sa interview sang Bombo Radyo Bacolod kay PACE President Renelo Lastierre, ginpahayag sini nga pabor sila sa plano nga pagsaylo sang seat of provincial government sa Talisay City agud mas mapadali ang transaksyon sa Kapitolyo kag indi lapta-lapta ang mga opisina.
Suno kay Lastierre, mas magapos para sa mga kliyente nga may yara sang ginaproseso bangud isa nalang ang lokasyon sang mga opisina.
Dugang pa sini nga mas maayo kun sayluhon sa Talisay ang Kapitolyo bangud nga mas masulhay didto ang trapiko indi kaangay diri sa Bacolod nga tuman na gid ka congested.
Ginhatagan pagtamod man ni Lastierre nga mangin pabor ini nga lihok ilabi na sa pagpasangkad sang ekonomiya sang Talisay City.
