Aprubado na sang Sangguniang Panlungsod ang ordinansa nga gin-author ni Bacolod City Councilor Cindy Rojas, chairman sang Committee on Finance and Appropriations, tuhoy sa paghatag sang service recognition incentive sa mga empleyado sang Bacolod Government Center.
Sa session sang SP kahapon, ginmove ni Rojas sa first, second kag third reading ang ordinansa nga magapain P15 million nga pondo para sa 1,500 ka mga empleyado sang BGC nga makabaton sang SRI.
Ang mga empleyado nga ginalakipan sang regular, contractual kag casual positions ang makabaton sang tag P10,000.
Madumduman nga ang dugang nga P10 mil nga SRI ang ginmando ni President Rodrigo Duterte.
Nag-issue ang presidente sang Administrative Order No. 37 sang December 8 nga nagapahanugot sa mga local government units nga maghatag sang one-time SRI sa mga government employees sa uniform rate nga indi magsobra sa P10,000 kag dapat irelease halin December 21 pasaka.
