Magapatigayon sang random checking ang katapo sang Talisay City Police Station sa balaligyaan sang palupok sa Barangay Zone 14B, kag Barangay Concepcion Talisay City.
Nahibaluan nga 14 tanan ang mga registered nga manugbaligya sa syudad sang Talisay kun sa diin 12 ang nagbaligya sa Barangay Zone 14 B kag duha naman sa Barangay Concepcion.
Sa interview sang Bombo Radyo Bacolod kay Police Major Jigger Gimeno, hepe sang Talisay City Police Station, nakaschedule ang ila nga intel sa wala mahibaluan nga oras agud mang-inspection para masiguro nga wala sang ginadumilian nga palupok nga mabaligya.
Kalakip sang ila nga ginatsekyar nga ginadumilian amo ang bilong-bilong kag triangle kag kamara.
Ginatsekyar man nila ang pwesto sang ginabaligya-an kun may yara sang balas, drum nga may unod sang tubig kag fire extinguisher.
Ginpahayag man sini nga may yara man sila sang warning nga ginahatag sa mga nagviolate kag mismo ang alkalde sa syudad sang Talisay nga dapat siguruhon nga wala sang masamaran kadungan sang pagsugata sang bag-ong tuig.
Ginmanduan man sila sang alkalde kaupod ang BFP, kag mga Local Govement Units (LGUs) nga siguruhon nga tsekyaron ang mga balaligyaan nga wala sang may mabaligya nga ginadumili nga mga palupok.
