Tatlo ka persona ang patay matapos magbungguanay ang duha ka motorsiklo sa national Highway sang Brgy. Tutubon, Sibulan, Negros Oriental, kagab-i.
Sa impormasyon nga nakuha sang Bombo Radyo nagikan sa Sibulan Municipal Police Station, nagluntad ang aksidente alas 11:20 ang takna sa gab-i sang duha ka motorsiklo ang nagbungguanay.
Santo sa inisyal nga imbestigasyon, ang isa ka motorsiklo nga may angkas ang nagabiyahe sa north to south nga direksyon samtang ang isa ang wala sang angkas kag nagabiyahe south to north nga direksyon sang nagluntad ang head on colision.
Bangud sa impact sang pagbunggo, lunsay nagkalamatay sanday Rusbie Cataylo sang Barangay Banilad, Bacong, Negros Oriental; Jerry Tinaypan sang amo man nga lugar; kag Octoberian Narciso sang Barangay Maslog, Sibulan.
