Tuman ang pagkabalaka sang mga himata sang 29-anyos nga lalaki sa Purok Orosa, Brgy. Zone 12, Talisay City nga nagsaka sa kahoy sang santol alas 5:00 kahapon sang hapon.
Sa impormasyon nga nakuha sang Bombo Radyo, duha ka adlaw na nga wala tinulugan si Monico Sioco Noquina, 29-anyos kag residente sang nasambit nga lugar bangud nag-inaway sila sang iya asawa kag kahapon, ginbayaan na ini upod ang ila mga kabataan rason ngaa nadepressed ini.
Bangud diri, nagsaka ini sa kahoy sang santol kag nagtindog sa pinakamataas nga parte samtang gina-uyog uyog ang mga sanga.
Kagab-i, padayon nga nagaayo ang iya iloy kag tiyo nga magpanaog na ini samtang may iban naman nga nagpray over agud wala sang may malain nga matabo diri.
Yara man sa lugar ang mga katapo sang Talisay City Police Station kag City Disaster Risk Reduction Management Office.
