Nagahulat pa ang provincial government sang Negros Occidental sang resolusyon nagikan sa Office of the President angot sa reklamo administratibo nga ginpasaka batok kay Governor Eugenio Jose “Bong” Lacson.
Madumduman nga nagpasa sang reklamo ang anay empleyado sang Provincial Legal Office nga si Atty. Ernie Magaspag kay Lacson bangud sa gina-alegar sa mga iregularidad sini sa iya mga issuances.
Magluwas diri, lakip man sa complaint ni Magaspag batok sa gobernador ang gina-alegar abuse of authority, misconduct in office, gross negligence or dereliction of duty kag iban pa nga mga administrative cases.
Suno kay Atty. Alberto Nillas, pinuno sang Provincial Legal Office, tubtob subong wala pa nakapagwa sang resolusyon ukon sabat ang Office of the President angot sa complaint.
Apang nagalaom sila nga madismiss ang reklamo bangud wala sang nagakaigo nga basehan.
Ginakabig man ni Nillas nga pagtimalos lamang ang pagpasaka sang reklamo ni Magaspag bangud nga nadismiss ini sa trabaho bangud sa pila ka mga administrative cases.
