-- ADVERTISEMENT --
Patay ang principal sang Manapla National High School matapos maaksidente samtang sakay sa motorsiklo sang Domingo sang gab-i.
Sa interview sang Bombo Radyo Bacolod kay Police Captain Jaynick Bermudez, hepe sang Manapla Municipal Police Station, papauli na ang biktima nga ginkilala kay Arnaldo Bionat, 51 anyos, residente sang Villa Angela Subdivision, Barangay 1 A, Manapla, Negros Occidental nagikan sa isa ka barangay sa amo nga banwa.
Suno kay Bermudez, nag-agi sa bag-o nga access road ang biktima nga wala pa sang suga kag mahimo nga indi sini kabisado ang dalan gani naglapaw ini sa karsada nga gintunaan sang iya pagkatumba.
Gindala pa sa hospital ang biktima apang gindeklarar nga dead on arrival.
