Aprubado na sa special session sang Sangguniang Panlungsod sa ciudad sang Bacolod ang gratuity bonus sang tanan nga contractual kag job order employees sang Bacolod City Hall.
Madumduman nga makabaton sang tag-3 mil nga gratuity bonus ang tanan nga contractual kag job order employees santo sa Administrative Order No. 38 nga ginpagwa ni Presidente Rodrigo Duterte.
Suno kay Bacolod City Vice Mayor El Cid Familiaran, posible nga sa masunod nga semana pa mabaton sang mga job order kag contractual employees ang ila nga gratuity bonus bangud nga holiday na subong.
Nahibaluan nga nagabalor sang P21 million ang gin-aprubahan sang SP nga pondo para sa tag-P3,000 nga gratuity pay sang mga contractual kag job order workers sini nga 2020.
Ang mga nag-render sang less that four months ang sarang makabaton sang kaangay nga incentive sa pro-rata basis.
Kun naka-trabaho sang tatlo ka bulan apang indi maglapaw sa apat ka bulan, sarang ini makabaton sang P2,000; P1,500 naman ang makuha sang mga nagtrabaho sa sulod sang duha ka bulan kag indi maglapaw sa tatlo ka bulan kag ang mga nagrender naman sang less than 2 months ang may gratuity pay nga indi maglapaw sa P1,000.
