Naghatag panugyan ang animal welfare advocate sa probinsya sang Negros Occidental bangud kaangay sang tawo ang mga inaypan nga mga sapat kaangay sang ido kag kuring ang nagaeksperyensya man sang trauma bangud sa firecrackers kadungan sang pagsaulog sang bag-ong tuig.
Sa interview sang Bombo Radyo Bacolod kay April Rose Ubaldo, ang mga ido ang tuman ka sensitive ilabi na sa mga gahod nagikan sa palibot kaangay sang palupok.
Madamo man sa internet nga mga tips agud mahilway ang mga sapat sa trauma kadungan sang pagsugata sang bag-ong tuig.
Suno kay Ubaldo, dapat siguruhon nga safe ang mga ido ukon ang mga sapat nga ginahuptan natun.
Suno sa iya, madamo sang mga insidente ang nagakatabo nga nagakatrauma ang mga sapat bangud sa palupok.Suno diri, dapat indi pag-ihigot ang mga sapat bangud sarang nga makuga ang mga ini kag magpanic.
Ginarekomendar man sini nga pasuksukan sang daan nga bayo ang sapat agud mabatyagan nila nga secured sila.
Mahimo man nga magpatukar sang music agud nga marelax ang mga sapat.
Suno kay Ubaldo, nagadapat man nga indi na pagpagwaon ang mga ido bangud kun sila ang makibot ang nagapanic kun nagakanerbyos rason nga nagakadula sila.
Ginpahayag man sini nga indi dapat pagpabay an ang mga ido bisan nga excited na sa pagselebrar sang bag ong tuig.
Nahibaluan nga si Ubaldo, ang nagapakaon sa mga layaw nga ido sa syudad sang Silay kag nagbulig man sa isa ka tigulang nga naglakat halin sa banwa sang Binalbagan, Negros Occidental agud magpauli sa banwa sang EB Magalona sadtong bulan sang Mayo.
