Mga pumuluyo sang Silay kag Victorias City, ginsugata sang baha; pila ka mga residente sa Victorias, nagatinir subong sa atop; nagahingyo sang rescue

Ginsugata sang baha ang mga residente sang Silay kag Victorias City kadungan sang pagsulod sang tuig 2021.

Suno kay Catherine Cristal, residente sang Canetown Subdivision, Victorias City, indi man tuman kadamol ang ulan halin kagab-i apang tuman kadasig ang pagsaka sang tubig.

Bangud sini, napilitan sila nga magsaylo sa tupad balay kag sa karon nagatinir sila sa atop kag nagapangayo sang rescue.

Ginbaha man ang dako nga bahin sang Silay City.