Nagpanagtag sang mga torotot ang Bacolod Police Station 8 sa mga pumuluyo nga nasakupan sang ila estasyon agud indi na maghampang sang mga palupok ang mga kabataan kadungan sang pagsaulog sang Bag-ong Tuig.
Sa interview sang Bombo Radyo kay Police Captain Jun Ray Batadlan, station commander sang Bacolod Police Station 8, ginpahayag sini nga magluwas sa mga torotot, nagpanagtag man sila sang mga bugas, prutas kag delatas sa 15 ka mga pamilya sa tagsa ka barangay.
Suno kay Batadlan, ini ang mga donasyon man nagikan sa mga stake holders kag ila ginpakamaayo nga ipanagtag nalang ini sa mga pumuluyo.
Suno sa iya, ila man ginbisitahan ang mga kabarangayan kag nagcoordinate sila agud masiguro nga sa mga firecracker zone lang makapalupok ang mga residente.
Nagbantay man ang ila mga police personnel tubtob kaagahon agud masiguro ang peace and order sa lugar.
Sa pagtakop sang tuig 2020, nagpahanumdum ini sa mga pumuluyo nga mag-obserbar snag health protocols agud malikawan ang paglapta sang coronavirus.
