Nangin matawhay ang pagsug-alaw sang tuig 2021 sa probinsya sang Negros Occidental santo sa assessment sang Negros Occidental Provincial Police Office (NOCPPO).
Sa interview sang Bombo Radyo Bacolod kay Police Lt. Abegael Donasco, Deputy spokesperson sang Negros Occidental Provincial Police Office (NOCPPO), nakafull alert status ang mga kapulisan sa tion sang paskwa kag bag-ong tuig.
Ginpahamtangan sang mga beat patrolers ang mga malapit sa mga malls kag establisyemento agud masiguro ang siguridad sang mga pumuluyo.
Suno kay Donasco nagnubo man ang firecracker incident kadungan sang pagsug-alaw sang bag-ong tuig.
Wala pa natapos ang ila consolidation apang sa inisyal nga impormasyon may yara sang apat nga narecord nga firecracker incident sa probinsya sang Negros Occidental.
Duha diri ang nagikan sa syudad sang Bago kag ang duha ang nagikan sa banwa sang Cauayan.
Suno sa deputy spokesperson wala sang narecord nga shooting incident kadungan sang pagsug-alaw sang bag-ong tuig.
Wala man sang recorded nga nabiktima sang stray bullet.
Ginpahayag man ni Donasco nga dako nabulig sang block out sa probinsya kag ang indi manami nga panahon sa pagnubo sang krimen kag firecracker sa bag-ong tuig.
