Ginalantaw sang secretary general sang General Alliance Workers Association (GAWA) nga mabudlayan nga makabangon ang ekonomiya subong nga tuig 2021 bangud sa epekto sang pandemiya sang tinalikdan nga tuig 2020.
Sa interview sang Bombo Radyo Bacolod kay Wennie Sancho, stressful ang tuig 2020 bangud dako ang nadula sa employment sector tuga sang pandemya.
Ang pagkadula sang trabaho ang nagtuga man sang anxiety kag depression gani makabig na balda ang labor sector.
Wala man ini nagapati sa ginapahayag sang mga mangin alamon nga nagahilapit na ang pagbangon sang ekonomiya.
Suno kay Sancho maayu man ang ginapatuman nga flexible working arrangement sa mga empleyado apang wala man sini gihapon nasolusyunan ang problema bangud naganubo ang sweldo kag nagataas ang balaklon.
Suno kay Sancho ang tuig 2021 ang tuig sang reflection agud nga makabangon.
Ginpahayag man ni Sancho nga indi man dapat pagpatam an sang mga employer ang mga empleyado.
Suno pa diri mahina ang responde sang gobyerno sa mga nadulaan sang trabaho bangud sa pandemya.
Nasubuan man ini nga wala nadala ang mga remedyon heneral ukon own account workers sa mga programa sang gobyerno.
