Nagpasalig ang cluster head sang Bacolod City Disaster Risk Reduction Management Office (CDRRMO) nga may yara sang magaresponde sa tion sang pagbaha sa syudad.
Sa interview sang Bombo Radyo Bacolod kay Executive Assistant to the Mayor Jomarie Vargas, ginpakadtuan niya na ang Purok Carvic kahapon sang aga kasunod sang pagbubo sang ulan kag nakita nila nga malapit nalang mag-awas sa pika-pika nga gin-ubra sang Department of Public Works and Highways apang wala man nag-awas.
Ginpahayag man ni Vargas, nga may yara sang anum ka team ang CDRRMO sang syudad agud nga magmonitor sa sitwasyon sa tion nga magdamol ang pagbubo sang ulan.
Duha ang ka team ang nagalibot sa nanorte nga bahin sang syudad kag duha man ang sa south nga bahin.
Nagamonitor man sila sang weather update para sa real time nga update sang panahon kag sa tion nga may makita nga madamol nga gal-om naga-alerto na ang team sang CDRRMO.
Suno kay Vargas, may yara sila sang anum ka team ini ang ginalakipan sang flood control team nga may 20 ka miyembro.
Manual rescue naman ang ginahimo sang rescue teams sa tion nga indi masulod sang salakyan ang lugar bangud sa tubig baha kaangay lamang sang ginhimo nila sa Barangay Mansilingan sang tinalikdan nga pagbaha agud marescue ang tigulang.
Nagbakal naman ang syudad sang isa ka Excavator bangud sa masunod man sila sini nga bulan sa pagtinlo sa mambuloc creek malapit sa Jalandon bangud napuno na sang basura kag wala na sang agyan ang tubig rason nga nagabalik sa Barangay 10 ang tubig kag ginahalinan sang pagbaha.
Amat amaton man sang CDRRMO tinlo ang mga waterway sang flood prone areas.
Ginabanta man nga duha ka semana antes matapos ang pagtinlo sa mambuloc creek kag kinahanglan nga makuha ang 7ft agud makapagwa ang tubig.
Ikaduha man nga paagyan nila sang excavator ang carvic kag ang sa capitol ville ang paagyan man.
Suno kay Vargas, madasig ang pagdako sang tubig sa Purok Carvic bangud nagasugat-anay ang suba sang Mandalagan kag Lasalle sa likod sang punerarya sa Lacson.
May yara man sang CCTV camera nga nagamonitor sa syudad agud nga mahibaluan kun sa diin ang nagakinahanglan sang rescue.
Indi man ini makapasalig nga wala sang magluntad nga pagbaha apang ang mapasiguro lamang sini ang may tawo nga marescue sa ila.
