Nagpasalig ang officer-in-charge sang City Health Office nga siya sa isa sa mangin una nga maga-avail sang bakuna batok sa COVID-19 sa ciudad kun ini ang masuguran na agud ma-engganyo ang mga pumuluyo nga magsalig sa ini nga tikang.
Sa interview sang Bombo Radyo kay Dr. Edwin Miraflor, aminado ini nga madamo sang mga pumuluyo ang nagakahangwa sa posibilidad nga may malain nga epekto ang COVID vaccine gani nagpahanumdum ini nga mas delikado ang coronavirus sang sa bakuna.
Nagapangabay si Miraflor sa mga pumuluyo nga kuntani malab-ot sang ciudad target sini nga populasyon nga mabakunahan.
Suno sa iya, nakighinun-anon naman si Councilor Renecito Novero kahapon sa business sector agud ayuon ang mga ini nga sila nalang ang mapavaccinate sang ila mga empleyado.
Suno diri, nagkooperar kag wala naman nagpagamo pa ang mga negosyante kag magadepende na ang desisyon sa ila tagsa-tagsa ka mga boards.
Padayon pa man nga ginatsekyar sang Vaccination Council Committee ang mga eskwelahan, gym ukon covered court nga sarang magamit bilang vaccination centers.
Suno kay Miraflor, may yara sang 20 ka mga lugar sa Bacolod City nga himuon COVAC center kag ang mga bagay nga ila ginakonsiderar amu nga dapat may yara sang manami nga electrical kag watered supply kag covered ang lugar agud indi mabasa kag mainitan.
Nagpasugod naman ang Department of Health in kaso nga gamiton ang mga eskwelahan bilang vaccination center.
