Magapirma bwas nga adlaw ang gobyerno sang Pilipinas sa kasugtanan upod ang British pharmaceutical firm nga AstraZeneca para sa 20 million doses sang COVID-19 vaccine.
Ini ang ginkumpirmar ni vaccine czar Carlito Galvez Jr. kaina.
Suno kay Galvez, pagkatapos sang pirmahanay bwas nga adlaw, may yara sang tripartite supply agreement nga pagapirmahan sang national government, local government units kag vaccine maker.
Ang responsibilidad naman sang LGUs amo ang pag-administer sang bakuna.
Suno sa iya, integrated efforts sang LGUs, national government kag pribado nga sektor ang supply chain requirement, syringe kag lata sang consumables.
Gani kun 30 porsyento lang sang bakuna ang mabakal sang LGU gamit ang ila nga budget, pun-on sang national government ang nabilin nga 70 porsyento.
Ini ang dugang sa nauna nga tripartite agreement sa tunga sang gobyerno sang Pilipinas, pribado nga sektor kag AstraZeneca para sa 2.6 million doses sang COVID-19 vaccine nga ginpirmahan sang bulan sang Nobyembre tinalikdan nga tuig.
Ang 2.6 million doses ang ginpondohan sang pribado nga sektor kag igadonar sa Philippine government kag ini ang makaigo sa isa ka milyon ka mga Pilipino.
