Nagapanawagan ang alkalde sang San Carlos City sa mga pumuluyo sang ciudad nga mahimo nakaintra sa bulang sa Calatrava sang Enero 16 tubtub 17 nga makig-angot sa contact tracers matapos nga may nagpositibo sa COVID-19 nga nagpamulang didto.
Sa interview sang Bombo Radyo Bacolod kay San Carlos City Mayor Rene Gustilo, ginkompirmar sini nga isa ka lalaki nga nagpamulang sa banwa sang Calatrava ang nagpositibo sa COVID-19.
Suno kay Gustilo, nadulaan sang panabor ang pasyente gani nagpaidalom ini sa swab test kag sang naggwa ang result, positibo ini sa balatian.
Suno sa alkalde nagapadayon ang ila nga contact tracing sa syudad kag ginapanawagan ang mga pumuluyo nga nga nagkadto sa bulangan sang Calatrava nga makig-angot sa syudad agud mainterview man kag mapaidalom sa swab test.
Naka-isolate na ang pamilya sang pasyente kag natalana nga ipaswab test.
Sa karun, nakaadmit ang pasyente sa ospital kag limitado lamang nga impormasyon ang makuha diri bangud ginahapo ini.
Ang pasyente ang nagaedad sang 60 anyos kag wala pa ang alkalde sang nakuha nga report kaangot sa pinakaulihi nga medical bulletin sini.
Ang pasyente ang kilala man nga personalidad sa ciudad sang San Carlos, apang wala sang kaangtanan sa politika.
Samtang may yara naman sang 24 ka mga active cases sa syudad sang San Carlos kag lunsay mga sintomatic.
Nagapabilin ang syudad nga vigilante kag ginapatuman ang health protocols batok sa balatian.
