Dakop ang Top 8 Most Wanted Person sang Isabela Municipal Police Station sa operasyon nga ginpatigayon sa Barangay Guintubhan, Isabela, Negros Occidental.
Sa impormasyon nga nakuha sang Bombo Radyo, ginkilala ang suspetsado kay Antonieto Amar, 46 anyos kag residente sang nasambit nga lugar.
Ini ang ginserbehan sang Warrant of Arrest nga gin-issue ni Hon. Mila Yap-Camiso, Judge sa RTC Branch 74, La Carlota City, Negros Occidental nga napetsahan Disyembre 14, 2020.
Arestado man ang Top 8 kag Top 9 Most Wanted Person sang EB Magalona Municipal Police Station sang Enero 22 sa Purok Magsiko, Barangay Punta Salong, Manapla, Negros Occidental.
Ginkilala ang Top 8 most wanted person kay Michael Ducay, 29 anyos samtang ang Top 9 naman amun si Jason Ducay, 24 anyos, lunsay mga residente sang Barangay Gahit sa nasambitan nga banwa.
Sila ang ginsebehan sang warrant of arrest bangud sa pagbayolar sa R.A. 9165 kag ginrekomendahan sang piyansa nga P72,000.
Sa karun nakahunong ang mga suspetsado sa EB Magalona Municipal Police Station para sa nagakaigo nga disposition.
