13 ka mga opisyal sang Bacolod City Police Office (BCPO) ang gin-relieve sa ila present position agud ire-assign sa ila bag-o nga position kag epektibo kahapon ang memorandum nga gin-isyu.
Una sa ginrelieve amo si Police Major Jovil Sedel bilang hepe sang Bacolod City Police Station 1 kag iga reassign sa City Investigation and Detection Management Unit (CIDMU).
Ginsundan ni Police Major Charles Gever nga ginrelieve man bilang hepe sang Bacolod City Police Station 4 kag igareassign sa CPPU.
Ginrelieve man si Police Major Ramel Sarona bilang hepe sang Police Station 6 kag ginreassign bilang hepe sang Police Station 1.
Nalakip man sa ginrelieve si Police Captain Leo Estopa bilang hepe sang Police Station 2 agud igareassign bilang hepe sang Police Station 6.
Ginrelieve man si Police Major Jun Ray Batadlan bilang hepe sang Police Station 8 agud mangin hepe sang Police Station 4 samtang si Police Captain Armilyn Vargas naman ang ginrelieve sa CCADU kag igablik bilang hepe sang Police Station 10.
Ginrelieve man si Police Lt Ramie Sayson bilang hepe sang Police Station 5 kag gin-reassign bilang Officer-in-charge sang Police Station 7 epektibo Enero 22.
Samtang si Police Major Joefer Cabural igaassign sa City Intelligence Unit sang BCPO kag si Police Joven Mogato ang iga-assign nga Deputy Station Commander sang Police Station 2.
Ginrelieve man si Police Major Ruel Culanag bilang station commander sang Police 10 kag igareassign sa Traffic Enforcement Unit/Bacolod Traffic Authority Office (TEU/BTAO) samtang si Police Lt. Col. Luisito Acebuche ang igareassign sa City Administrative Resource Management Unit.
Magapungko naman nga spokesperson si Police Lt. Ma. Liberty Indiape samtang si Police Lt. Col. Ariel Pico naman ang iga-reaasign sa Mobile Patrol Unit.
Sa interview sang Bombo Radyo Bacolod kay Police Lt. Col. Ariel Pico, ginpahayag sini nga epektibo kahapon ang reshuffling apang sa madason nga semana sini iturn-over ang position kay Police Lt. Indiape kasunod sang hingyo Police Col. Manuel Placido.
Suno diri, ang reshuffling ang ginpatuman agud nga malikawan ang dual ukon multi-functions sang mga police officials kag malikawan na ang ini nga rason sa tion nga may malate nga ipasa nga compliance report sa regional office.
Suno kay Pico, madamo na sang mga opisyal ang Bacolod City Police Office kag kinahanglan nga ang mga units ang may yara sang tagpamuno agud matutukan ini kag malikawan na ang late nga pagpasa sang mga compliance reports.
Suno pa diri, ang reassignments ang nagakahulugan lang nga kinahanglan mahatagan sang chansa ang mga napromote nga police officials agud mapakita man ang ila nga mga ikasarang.
