Nagsaka na sa 40 ang kabug-usan nga numero sang mga pulis sa idalom sang Negros Occidental Police Provincial Office nga nagpositibo sa coronavirus.
Sa interview sang Bombo Radyo kay NOPPO deputy spokesperson Police Lt. Abegael Donasco, duha ka pulis ang pinakaulihi nga natapikan sang virus apang wala natumod kun sa diin sila nga police station naassign.
Ang COVID test result sang isa ka pulis suno kay Donasco ang naggwa sang Enero 22 samtang sang Enero 23 naman ang test result sang isa.
Sa karon, ang duha nalang ang active COVID cases sa NOPPO kag sila ang nagapabilin sa quarantine facility sang ila tagsa ka mga LGU, samtang nag-ayo naman ang 38.
Sa tion nga magnegatibo ang repeat test sang police officers suno kay Donasco, magabalik na sila sa pagduty
