Nagpahanumdom sa publiko ang pinuno sang National Bureau of Investigation (NBI)-Bacolod City nga maghalong gid sa double your money investment scheme.
Sa interview sang Bombo Radyo Bacolod kay Atty. Renoir Baldovino, pinuno sang NBI-Bacolod City, ginpahayag sini nga apisar wala pa sila sang may nabaton nga reklamo apang may nagakabatian na sila nga investment scheme diri sa ciudad sang Bacolod subong man sa probinsya sang Negros Occidental.
Suno kay Baldovino, likawan gid dapat ang kaangay nga mga scheme kag indi magdali-dali pati bangud kanugon sang kwarta ilabi na nga madamo sang manugtunto sa online.
Dugang pa sini nga apisar wala pa sang reklamo na nagakabaton, kuntani magserbe ini nga warning sa tanan nga isa ka scam ang double your money scheme.
Nagpanugyan si Baldovino nga ireport sa ila talatapan kun may nahibaluan angot diri agud nga maimbestigaran gilayon.
