Nagnegatibo sa coronavirus si Governor Eugenio Jose “Bong” Lacson, santo sa resulta sang ginpatigayon nga RT-PCR test.
Nahibaluan nga nagapaidalom si Lacson sa self isolation matapos nagpositibo sa COVID-19 ang isa sa mga personnel sang Department of the Interior and Local Government nga nagtambong sa anti-drug summit nga ginhiwat sang Biyernes.
Ang amo nga persona ang nagikan sa DILG-Iloilo kun sa diin mismo si Lacson ang naghatag sang certificate of appreciation sa DILG personnel.
Magluwas kay Lacson, nagpaidalom man sa swab testing ang 18 ka mga personnel sang DILG-Negros Occidental.
Nagapaidalom man sa karon sa self-isolation ang pila ka mga hepe sang kapulisan sa probinsya sang Negros Occidental nga nakatambong sa Anti-Drug Summit nga ginhiwat sang nagligad nga Biyernes.
Isa sa mga nagtambong amo ang hepe sang Murcia Municipal Police Station nga si Police Lt. John Paul Tabujara.
Suno kay Tabujara, nagapaidalom siya sa home quarantine kag sa tion nga magpositibo sa COVID ang DILG head sang Murcia, magapaidalom man ini sa swab testing bangud siya ang secondary contact.
