Gin-anunsyar sang alkalde sang Bacolod City nga magahulat pa ang ciudad tubtob sa Hulyo agud makabaton sang bakuna batok sa COVID vaccine.
Sa interview sang Bombo Radyo kay Mayor Evelio “Bing” Leonardia, ginpahayag sini nga posible nga malab-utan pa sang lima ka bulan antes mag-abot ang bakuna sa ciudad bangud 80% sang vaccine ang nacorner na sang mga manggaranon nga pungsod.
Suno sa iya, kun mag-abot ini, indi man makahambal nga tanan ang sarang nga mabakunahan.
Apang nagapati ang alkalde nga dako nga solusyon ang bakuna batok sa COVID-19 kag nagakompormi man ini sa presyo sang AstraZeneca.
Suno diri, ang Bacolod City ang ikalima nga local government unit sa pungsod nga makabaton sa pinakamadamo nga numero sang bakuna kun sa diin nagapanguna ang Davao City; ginsundan sang Quezon City; Makati City kag Manila.
Gin-athag man sini nga ang P300 million nga gin-alokar sang ciudad ang para sa kabug-usan na nga preparasyon sang vaccination program kag indi lang para ibakal sang 650,000 doses.
Suno kay Leonardia, kun pila lang ang balayran sang ciudad para sa bakuna, amu lang na ang ibayad bangud ang gin-alokar nga kwarta ang para na sa kabug-usan nga budget sang vaccination sa ciudad.
