Nasapwan nga wala na sang kabuhi ang isa ka miyembro sang LGBT Community sa sulod sang iya mismo nga salakyan sa Banwa sang Bacong, Negros Oriental.
Ang biktima ang ginkilala kay Fernando Escalante, 35 anyos, gay, residente sa Purok 4, Barangay Apulong, Valencia, Negros Oriental.
Santo sa imbestigasyon sang Bacong Municipal Police Station, nasapwan ang biktima sa sulod mismo sang iya nga puti nga awto takna alas-12:45 sang udto sang Martes sa Diversion Rd., Barangay Isugan, Bacong, Negros Oriental.
Ginkatingala sang mga nagalabay nga nagapondo ang salakyan kag sang ginlili ini didto na kag nasapwan ang bangkay nga nagapungko sa passenger seat sang salakyan kag naputos sang itom nga grabage bag ang ulo.
Ang biktima ang nakaagum sang pilas tuga sang pagpangluthang sa nawala nga guya nga naglapos sa natuo sini nga liog.
Narecover man sa sulod sang salakyan ang slug sang cal. 45 pistol.
Ang biktima ang isa ka make up artist kag election coordinator ni Negros Oriental Governor Roel Degamo kag yara na sa grupo sini sa sulod sang pito ka tuig.// Si Escalante ang aktibo man sa mga outreach program sang probinsya.
Sa karun, nagapadayun pa ang imbestigasyon sang mga otoridad.
Samtang nagpahayag naman ang utod sang biktima sa Bacong PNP nga may nakaaway ini nga kabahin man sa ila pamilya natuhoy sa isyu sa duta nga ginalantaw naman sa karun sang otoridad.
