Ginatudlo man sang presidente sang Alliance of Hog Raisers Association of Negros Occidental (AHRANO) ang mataas nga presyo sang feeds ang isa man ka rason nga nagsaka man ang presyo sang ginabaligya nga buhi nga baboy.
Suno kay Ric Lauron, nagalain-lain ang presyo sang feeds nga ginabaligya sa probinsya halos kada semana.
Suno sa iya mas, maayo kuntani kun may yara sang feed mill ang probinsya agud nga mapanubuan man ang presyo sang feeds nga ginabaligya diri bangud nagikan pa sa Iloilo ang supply.
Ginapahayag man nga ang pagsaka sang feeds ang mahimo bangud sa pagmahal man sang raw materials kaangay sang mais.
Suno kay Lauron, kun mataas ang presyo sang feeds madamo naman ang maapektuhan nga hog raisers bangud may yara sang mapilitan nga mag-untat nalang sa pagsagod bangud sa presyo sang ginakaon sang baboy.
Samtang, aminado man ang provincial veterinarian sang Negros Occidental nga may yara man sang problema ang mga hog raisers sa pagtaas sa presyo ang mga feeds.
Suno diri, kun may yara sang kaugalingon nga feed mill ang probinsya, maganubo na ang production cost.
