Indi komporme ang isa ka meat vendor sa Libertad Public Market nga pahanugutan ang pork importation sa pungsod.
Madumduman nga ginarekomendar sang Philippine Association of Meat Processors Inc. nga I-authorize ang importasyon sang baboy kag wala sang taripa agud nga masolbar ang kakulang sang karne sa pungsod kag ang kamahal sang presyo sini.
Sa interview sang Bombo Radyo Bacolod kay Remy Panggo, meat vendor sa Libertad Public Market, ginpahayag sini nga indi siya komporme nga mag-import sang baboy bangud nga kompetensya pa nila ini.
Suno kay Panggo, ang mga imported pork ang mas barato gani nga mas mangin makaluluoy sila nga mga local meat vendors.
Dugang pa sini nga dako gid ang mangin epekto sang pork importation sa merkado kun may makasulod nga imported pork.
Suno pa diri nga kuntani indi gid pagpahanugutan ang importasyon sang baboy bangud nga wala pa nakabangon ang negosyo tuga sang COVID-19 pandemic./
