Dakop ang duha ka mga babayi sa separado nga buybust operation nga ginpatigayon sa ciudad sang Bacolod.
Nakuhaan sang 48 mil pesos nga balor sang suspected shabu si Angela Campus, 35-anyos, isa ka street level individual kag residente sang Purok Kabugwason, Barangay Mansilingan.
Natigayon ini nga makuhaan sang tatlo ka sachet sang suspected shabu lakip na ang buybust item nga nagabug-at sang 6 grams.
Samtang, sa Purok Kagaykay, Barangay 2, nadakpan naman si Baby Girl Villarna, 32-anyos.
Nakuha sa possession kag kontrol sini ang isa ka small sachet sang suspected shabu bilang buybust item kag dugang nga isa pa gid ka small sachet kag lima ka elongated sachet sang suspected shabu kag iban pa nga drug paraphernalia.
Ginabanta nagabug-at ini sang isa ka gramo kag nagabalor sang 10 mil pesos.
Sa karon, lunsay priso ang duha kag natalana nga pasakaan sang kaso sa paglapas sa Republic Act 9165 ukon Comprehensive Dangerous Drugs Act of 2002.
