Ginkumpirmar sang deputy chief of police sang San Carlos City Police Station nga may duha sila ka police personnel nga nagpositibo sa COVID-19.
Sa interview sang Bombo Radyo Bacolod kay P/Lt. Ruby Aurita, ginpahayag sini nga nakabaton sila sang memorandum nagikan sa Provincial Headquarters duha ka semana na ang nakaligad kun sa diin ginamanduan ang tanan nga personnel nga magpaidalom sa swab test.
Gin-schedule nila ini batch by batch agud may yara sang mabilin nga duty.
Suno kay Aurita, wala sang may nagpositibo sa 1st batch samtang tag isa naman ang nagpositibo sa second kag last batch.
Gilayon nga gindala sa quarantine facility ang nagpositibo nga mga personnel nga ginapahayag isa ka Police Corporal kag Police Chief Master Sergeant nga lunsay asymptomatic.
Naka-home quarantine naman ang ila mga pamilya kag natalana nga magpaidalom sa swab testing subong nga adlaw ang ila mga naka-closed contact.
