Pila ka mga aktibidades ang patigayunon sang Philippine Dental Association Bacolod City Chapter kadungan sang National Dental Health Month subong nga bulan sang Pebrero.
Suno kay Dr. Jasmine Joyce Mendez, president-elect PDA Bacolod City Chapter, nagsugod sa pagselebrar kada Pebrero sang Dental Health Week humalin pa sang 1951.
Ginhimo ini nga month-long celebration sang 2004 santo sa Presidential Proclamation No. 559.
Kadungan sini, ginahiwat man ang National Toothbrushing Day kada Pebrero 1 kag amo man ang pagselebrar sa peace missing apollonia, ang patron sang mga dentista.
Ang tema sang PDA subong nga tuig amo ang “Brush at Floss kontra Toothloss” samtang “Be proud of your mouth” naman ang tema sang FDI World Dental Federation.
Magasugod naman ang programa subong nga adlaw, takna alas-7:30 sang aga nga paga-umpisahan sang motorcade gikan sa New Government Center (NGC) padulong sa Barangay Felisa.
Pagasundan naman ini sang misa kag programa nga hemoun sa Felisa Elementary School.
40 ka estudyante naman ang pahanugutan nga magtambong nga pagalakipan sang 20 ka mga estudyante gikan sa Grade 1 tubtob Grade 3 sang Felisa Elementary School kag 20 ka mga estudyante gikan sa Grade 7 sang Jovito National Highschool.
Igatudlo sang mga ini ang nagakaigo nga proseso sa pagtoothbrush, nagakaigo nga proseso sa paghugas sang kamot kasubong man ang Dental Awareness.
