Patay ang babayi matapos gintiro sang hold-upper sa sulod mismo sang iya nga salakyan sa Barangay Tangub, ciudad sang Bacolod kaina sang aga.
Ginkilala ang biktima kay Angelica Montalvo, 23-anyos kag residente sang Purok Lison, Barangay Banago, ciudad sang Bacolod.
Santo sa imbestigasyon sang Bacolod Police Station 8, nagapark ang salakyan sang biktima sa atubang sang Medical Plaza sa BS Aquino Drive pasado alas-7:00 sang aga kag kaupod sini ang iya nga live-in partner sang hinali lang nagsulod ang suspetsado.
Nagdeklarar sang hold-up ang suspetsado samtang ginatayaan ang armas ang ulo sang biktima kag ginhambalan nga padalaganon ang salakyan bangud sila ang magapadulong sa Barangay Cabug.
Pag-abot sa Oroland, gintiro sang suspetsado ang biktima kag ini ang naigo sa ulo.
Gindala pa si Montalvo sa Bacolod Adventist Medical Center apang wala na natabangan.
