Indi pa mahambal sang pinuno sang Bacolod City Police Office nga isa lang ang grupo nga nagasakay sa pula nga SUV nga responsable sa serye sang patyanay sa ciudad sang Bacolod.
Nahibaluan nga ginpahayag sang mga nakasaksi nga ang nagtiro sa isa ka NBI asset sa Purok Malalusan, Barangay 32, Bacolod City kahapon sang aga ang nagasakay sa pula nga SUV.
Ginkilala ang biktima kay Ramie Cientos, 62-anyos kag residente sang Barangay 29, Bacolod City.
Sa interview sang Bombo Radyo Bacolod kay Police Col. Manuel Placido, wala pa establisyar nga ang SUV nga pula ang may kaangtanan sa nagluntad nga krimen kag indi mahambal nga trademark ini sang may kahimuan sang krimen sa syudad sang Bacolod bangud makaluluoy man ang mga tawo nga nagapanag-iya sang pula nga SUV.
Ginpahayag man sini nga wala man natumod kun SUV gid ang nakita bangud ang ginpahayag santo sa inisyal nga imbestigasyon sang mga otoridad nga pula ang salakyan.
Nagalaom man si Placido nga mahimo sa madason nga isa ukon tatlo ka adlaw, matumod na ang kaangtanan sang pula nga nga salakyan sa krimen.
