Nagapati ang gobernador sang Negros Occidental nga may nagakaigo nga tion agud magpanumdum ang mga kandidato sang 2022 elections sang pamaagi agud makakampanya apisar nga ginaduso sa karun sang Commission on Elections ang pagdumili sang face to face campaign.
Sa interview sang Bombo Radyo kay Governor Eugenio Jose “Bong” Lacson, ginpahayag sini nga kun iimplementar gid man ang pagdumili sa face to face campaign, kinahanglan gid nga mag-adjust sang mga kandidato.
Suno sa iya, ginapakaita sa karun sang sitwasyon kun kinahanglan gihapon magsunod sa social distancing sa masunod 2022 gani indi sarang nga makahouse to house campaign.
Lauman man nga mangin lapnagon suno kay Lacson ang online campaign.
Aminado ini nga mabudlay ang ini nga sistema bangud wala sang contact kag shakehands kag kinahanglan nga mangita sang pamaagi agud madala sang maayo ang ila mensahe sa mga electorates.
Sa pihak nga bahin, ginpahayag sang gobernador nga wala ini nagakomporme sang mail-in ballot kag nagapati nga indi ini dapat pagsundon.
