Ginpasalig sang bag-o nga tagpamaba sang Bacolod City Police Office (BCPO) nga padayunon sini ang nasuguran na nga mga programa ni anay spokesperson P/Lt. Col. Ariel Pico nga sa karon pinuno na sang Mobile Patrol Unit.
Madumduman nga 13 tanan ka mga opisyal sang BCPO ang ginbalasa sa pwesto.
Sa interview sang Bombo Radyo Bacolod kay P/Lt. Ma. Liberty Indiape, bag-o nga spokesperson sang BCPO, ginpahayag sini nga ipadayon niya lang ang nasuguran ni Pico nga mga programa.
Suno sa iya, sang una palang nagabulig-bulig na siya sa Public Information Office.
Ginakabig naman sini nga pagpanghangkat nagikan kay BCPO director Col. Manuel Placido ang paghatag sa iya sang amo nga posisyon.
Nagapasalamat man si Indiape kay Pico sa pagtudlo kag pag-alalay sa iya sa katungdanan bilang spokesperson.
Nagahingyo naman ini sang suporta nagikan sa mga upod niya nga pulis kag sa publiko agud mapasanyog pa gid ang mga programa sang kapulisan.
