-- ADVERTISEMENT --
Gilayon nga nadulaan sang kabuhi ang 63 anyos nga lalaki sa banwa sang Manapla, Negros Occidental matapos ginlabo sa Barangay San Pablo sang Pebrero 7 sang gab-i.
Sa impormasyon nga nakuha sang Bombo Radyo, ginkilala ang biktima kay Ereneo Alfeche, 63 anyos kag residente sang Hda. Rosa, Barangay San Pablo, Manapla.
Suno sa asawa ni Alfeche, pasado alas 9:30 sang gab-i sang nagalakat padulong sa ila puluy-an ang iya nga bana sang hinali lang ini nga ginlabo ni Edwin Cabahug, residente sang Hacienda Quinaruyan sa nasambitan man nga barangay.
Nakaangkon ini sang patal nga pilas sa likod nga bahin sang iya liog nga gintunaan sang iya kamatayon.
Nagpalagyo naman sa wala mahibaluan nga direksyon ang suspetsado.
-- ADVERTISEMENT --
