Ginapatumod pa sang Department of Trade and Industry (DTI) kun ano nga business name sang RGS World Marketing Corporation ang rehistrado sa ila.
Sa interview sang Bombo Radyo Bacolod kay DTI-Negros Occidental head Rachel Nufable, ginpaathag sini nga kun single proprietorship lang, dapat nga sa DTI ini rehistrado samtang kun korporasyon ang isa ka kompaniya, dapat sa Securities and Exchange Commission naman ini rehistrado.
Suno kay Nufable, ginapaverify pa sini sa ila system kun ano ang business name sang RGS World Marketing Corporation ang rehistrado sa ila nga talatapan.
Ginkumpirmar man sini nga wala pa man sila sang may nabaton nga formal complaint angot sa amo nga kompaniya.
Gindugang pa sini nga gin-imbitaran sila sang isa ka foundation sa banwa sang Ilog agud nga magpaathag kun ano ang ginatawag nga pyramiding scheme upod ang SEC.
Nagpanugyan naman si Nufable sa publiko nga halungan gid ang kwarta kag siguraduhon nga ang value sang produkto nga ginabakal ang husto man sa ginabayad.
