Nagdangat na sa kabug-usan nga 19,408 individuals ang nadakpan sa paglapas sa COVID-19 health protocols sa syudad sang Bacolod humalin pa sang Enero 1 tubtob May 31, 2021.
Kasunod sini gindayaw ni Bacolod City EOC Deputy for Medical Data and Analysis Dr. Chris Sorongon ang mga kapulisan sa padayon nga pagpatuman sang minimum health protocols batok sa COVID-19.
Suno kay Dr. Chris Sorongon, nga santo sa ila pagtuon ang pagsaka sang kaso ang tuga sang pagkompyansa sang mga tawo kadungan sang pagnubo sang kaso sang tinalikdan nga bulan sang Enero tubtob tunga tunga sang bulan sang Marso subong nga tuig gani wala na nagsuksok sang face shield kasubong ang facemask kag ang pagpabakuna kun sa diin nagsaka ang confidence sang tawo bangud nakabaton na sang vaccine batok sa COVID-19.
Suno kay Sorongon indi dapat nga magkompyansa ang tawo bangud kapin 10% pa lang sang populasyon ang nabakunahan.
Suno diri 80 percent dapat ang Nagpanawagan man ini nga dapat mangin kabahin na sa atun pagpangabuhi ang pagsuksok sang facemask kag faceshield kag dugang man sini nga dapat nga magparehistro agud mabakunahan sang COVID vaccine bangud nagahilapit na nga maabot ang 630 000 doses nga AstraZeneca vaccine nga ginbakal sang alkalde para sa syudad magluwas sa ginahatagan sang national government.
