Ginpahayag ni Presidente Rodrigo Duterte nga wala sang face-to-face classes tubtob nga mabakunahan ang tanan nga persona sa pungsod batok sa COVID-19.
Kagab-i, ginhambalan ni Duterte si Education Secretary Leonor Briones nga indi pa ini tion agud magresume ang face-to-face classes kag indi niya magamble ang ikaayong lawas sang mga kabataan.
Suno sa iya, sa meeting nga ginpatigayon sang tinalikdan, gin-athag ni Secretary of Finance Carlos Dominguez III nga may yara sang kwarta nga ginreserba para sa vaccines kag sarang nga makabakal sang kinahanglan nga bakuna maskin magsobra pa.
Suno sa iya, wala ini nagakompormi kay Briones sa pagresume sang face-to-face classes kag nagpangayo sang pasaylo bangud nga mabudlay kag indi sini pag-ibutang sa risgo ang ikaayong lawas sang mga kabataan.
Nagkompormi naman si Briones sa Presidente kag gindugang nga ang iya ahensya ang magapadayon sa pagpreparar kag paghulat tubtob mangin safe na ang liwat nga pagbukas sang mga eskwelahan.
Suno diri, kun may yara na sang paglaom kag maghambal si Chief Executive nga magabukas na ang klase, ila na ini nga pagabuksan.
Madumduman nga makaduha ka beses na nga ginreject ni Duterte ang pilot test para sa face-to-face classes sang Pebrero bangud wala pa nalunsyar ang COVID-19 vaccination drive.
