Ginpaathag sang Department of the Interior and Local Government nga nakadepende sa desisyon sang partido ang magabulos sa pwesto sang konsehal nga nagtaliwan na.
Ini ang kasunod sang pagtaliwan ni Bacolod City Councilor Elmer Sy sang Biyernes matapos nga matapikan sang coronavirus.
Sa interview sang Bombo Radyo Bacolod kay DILG Bacolod city director Maria Joy Marideth Madayag, nakadepende sa partido ang pagdesisyon sang magabulos kay the late Bacolod City Councilor Elmer Sy.
Suno diri ang highest front official man sang partido ang nagaissue sang certificate of membership and denomination kag ginaevaluate lang ini sang DILG.
Suno kay Madayag, wala man sang timeframe ang pagpungko sang magabulos diri, importante nga magproseso sang mga dokyumento ang mabulos.
Samtang, ginaplanuhan pa sang pamilya ni Sy ang inurnment bangud nakaisolate man ang pamilya sini kasunod sang pagpositibo sang konsehal sa Covid-19 antes magtaliwan.
