Ginpakigbahin sang Bacolod City Administrator nga ginalauman na nga sa ulihi nga semana sang Hulyo magaabot ang AstraZeneca COVID vaccines nga ginbakal sang city government.
Suno kay Bacolod City Administrator Em Ang, Executive Director sang Emergency Operation Center (EOC), 20 ka mga local government unit (LGU) kag pila ka mga pribado nga sektor ang nagpurchase sang AstraZeneca vaccine nga ginmanufacture sa United Kingdom.
Ang syudad sang Bacolod amo ang ikaapat sa may pinakadako nga ginbakal gikan sa manufacturer.
Ang alokasyon sang syudad nga P650,000 doses sang tingob kundi pagatungaon ini sa pila ka tranches depende sa stock sang delivery nga magaabot sa Pilipinas.
Ginpasalig naman ni Ang nga nagkomiter ang AstraZeneca pharmaceuticals nga madul-ong ang mga bakuna antes paman magtakop ang Hunyo.
Ginbanta man nga 325 mil ka mga indibidwal na ang mabakunahan sang 650,000 nga AstraZeneca vaccine malapit sa 428,000 nga nagakadapat man nga halaman.
Nagapati ini nga apisar nga indi pa malab-ot ang herd immunity sang 55,000 na nga mga indibidwal nga nabakunahan kag ang ginbakal nga AstraZeneca vaccine, gamay naman lang ang nabilin nga sarang mabatun kun magasegi-segi ang pag-abot sang alokasyon gikan sa National Government.
Paathag ni Ang nga 428,000 ang kinahanglan nga mabakunahan gikan sa populasyon sang syudad agud makabig na nga nagdangat sa herd immunity.
Dugang pa sang City Administrator nga may mga pribado nga employer nga nagbakal man sang bakuna para sa ila mga empleyado kag kun ibuhin ini sa kabug-usan nga dapat nga bakunahan, sarang man nga malab-ot ang herd immunity.
