Ginpakigbahin sang bise alkalde sa syudad sang Bacolod nga halos wala sang kinalain kun ipaidalum gid man ang quarantine status sa syudad sa General Community Quarantine (GCQ) humalin sa Hulyo 1 tubtob 31, 2021, gikan sa karun ginapatuman nga Modified General Community Quarantine (MGCQ).
Suno kay Bacolod City Vice Mayor El Cid Familiaran, indi pa ini sarang makaspeculate kun ano ang mangin quarantine status sa syudad bangod rekomendasyon palang sang National Interagecy Task Force (NIATF) nga ipaidalum sa GCQ ang Bacolod, apang indi pa ini kompermado ni Presidente Rodrigo Duterte.
Pahayag ni Familiaran nga wala naman ang mga ini sang plano nga mag-appeal kadungan pa nga halos wala man sang pagbag-o sa duha ka pagsulundan.
Suno kay Familiaran, ang kinalain lang sang GCQ sa MGCQ amo ang sa bahin sang mass gatherings.
Paathag sini nga ang 30 porsyento sang venue nga ginapahanugutan sa GCQ ang ginapatuman naman sa syudad kaangay sa mga simbahan, malls kag restaurant.
Pahayag sang bise alkalde nga indi problema kun mapaidalum ang Bacolod City sa GCQ bangod wala man sang negosyo nga kinahanglan ipasarado santo sa guidelines kag ang movement ang makapadayun man sa gihapon magluwas nalang sa 65 anyos pasaka ukon 15 anyos panubo.
Ginpakigbahin man sini nga ang 65 anyos ang edad pasaka ang ginapahanugutan naman nga makagwa basta fully vaccinated na, ipakita lang sang mga ini ang ila nga vaccination card.
Samtang ginpakigbahin man sini nga sa isa ka semana nga projection sang kaso sang COVID-19, makaisa nalang magdangat sa masobra 100 ang kaso sa syudad.
Panindugan ni Familiaran nga sala ang projection tubtob sa katapusan sang bulan magapabilin sa 120 tubtob 130 ang kaso sa Bacolod City.// Personal naman nga nagapati ang Bise Alkalde nga may posibilidad pa nga magpabilin sa MGCQ ang Bacolod bangod indi pa aprubado ni Presidente Rodrigo Duterte ang rekomendasyon sang NIATF.
