Nagsuporta ang Negros Occidental Police Provincial Office (NOCPPO) sa bike for peace nga ginpatigayon sa tanan nga mga ciudad kag banwa sa bilog nga Negros Occidental subong nga adlaw.
Suno kay NOCPPO director Police Col. Romy Palgue, ini ang kabahin sang regionwide simultaneous bike for peace nga ginpatigayon agud kondenahon ang kamatayon ni Kieth Absalon, isa ka pa promising football player sang FEU nga napatay sa roadside bombing kag shooting incident kaupod ang iya pakaisa sa isa ka banwa sa Masbate sang June 6, 2021.
Gilayon nga gin-ako sang New People’s Army nga sila ang nagtanom sang bomba.
Magluwas sa biking, nagpatigayon man sang outreach programs sa less fortunate brothers and sisters sa natumod nga mga komunidad, tree planting kag clean up drives.
Ang aktibidad ang gin-organize sang nagkalain-lain nga grupo sang mga bikers sa probinsya, in coordination sa iban nga grupo sa iban nga probinsya sa Negros Occidental.
Suno kay Palgue, may yara man sang shoot for peace nga iya gintambungan.
