Gina-imbestigaran pa sang mga katapo sang Bacolod Police Station 4 ang kamatuoran sang isa ka babayi nga nagpablotter nga ini ang ginkawatan na, ginmolestya pa.
Suno kay P/Maj. Jun Ray Batadlan, Station Commander sa Bacolod Police Station 4, may nagdangop sa ila nga babayi nga nagpablotter bangod ginkawatan ini kag gin molestya.
Nakuha sa babayi ang iya nga kwarta kasubong man ang cellphone.
Suno kay Batadlan, ginafollow man nila ang kaso kag adlaw-adlaw nagaimbestigar agud matumod kun matuod-tuod ang reklamo.
Ang babayi nga nahibaluan nga may anak na ang nagpahayag nga siya ang ginsulod sa iya boarding house kun sa diin siya ginkawatan kasubong man ginhemuslan.
Paathag ni Batadlan nga wala pa madeterminar kag padayun pa ang imbestigasyon natuhoy sa reklamo.
