Patay ang isa ka ido kag naguba ang bahin sang isa ka balay sa Barangay Antipolo, Pontevedra matapos nga nagbunggo diri ang isa ka truck nga may karga nga tubo.
Sa interview sang Bombo Radyo kay Police Corporal Genesis Beñas, traffic investigator sang Pontevedra Municipal Police Station, nagikan sa La Castellana kag padulong kuntani sa La Carlota City ang truck sang tubo nga ginamaneho ni Mark Sabilyano, 31 anyos, residente sang banwa sang Isabela.
Suno kay Beñas, nadulaan sang kontrol ang truck gani nagbunggo ini sa puluy-an ni Tito Cordero kun sa diin may naguba nga parte sang iya balay kag napatay ang ila German Shepherd nga ido matapos nga natampukan sang tubo.
Nadamage man ang side car sang motorsiklo sini apang wala sang may nasamaran nga tawo sa insidente.
Suno sa traffic investigator, nakaistoryahanay na ang duha kagbahin kag nahisugtan nga bayaran nalang sang suspetsado ang damage nga natuga sini.
