Nagpaathag ang convenor sang 1Sambayan tuhoy sa nagpagwa nga pahayag gikan sa partido nga ginbatun na ni Vice President Leni Robredo ang panugyan nga magpadalagan sa pagka-presidente sa 2022 election.
Suno kay former Negros Occidental Governor Lito Coscolluela, gin-nominar sang 1Sambayan convenor si Robredo pinaagi sa formal process, kalakip na ang internal survey sa tanan nga chapter sang partido indi lang sa Pilipinas kasubong man sa luwas sang Pungsod.
Gikan sa masobra 150,000 nga boto, mayorya diri ang nag-aprubar sa Bise Presidente sa pagpapili pilang Presidente.
Apang may pila gikan sa General Assembly kag Convenor ang nagapanugyan nga dapat may nagakaigo nga timing ang announcement para sa tactical reason.
Panugyan sang mga ini nga hulaton danay ang anunsyo kag bantayan anay ang iban pa nga magapapili.
Santo sa mga pahayag sang naka-attend sa meeting sang 1Sambayan, naghando na si Robredo sa desisyon, gani ang kwestyon nalang kun san-o ini magafile.
Ini naman ang naggwa nga balita gikan kay anay education secretary Armin Luistro nga karun convenor man sang 1Sambayan.
Ginalantaw nga idunggan sa Oktobre 5 nga petsa ang filing sini sang Certificate of Candidacy (COC) nga amo man ang petsa nga ini ang nagfile sang COC sa pagpadalagan bilang kongresista kasubong man sang magpadalagan sa pagkabise Presidente.
May nagapanugyan naman nga sa last minute nalang ini mag-anunsyar, apang ginalantaw ni Coscolluela nga wala pa madesisyunan ang magapadalagan bilang running mate sini sa pagka bise presidente.
Santo sa 1Sambayan, una anay nga magapili sila sang Presidente, nga amo si Robredo kag ini naman ang magahatag sang iya luyag nga mangin running mate kasubong man Senatorial Slate.
