Ginkumpirmar ni anay Negros Occidental 3rd District Representative Albee Benitez nga magafile ini kaupod ang iya slate sang certificate of candidacy subong nga aga.
Suno kay Benitez, magafile sang COC ang bilog sini nga slate lunsay sa ciudad sang Bacolod kag Negros Occidental.
Suno sa iya, wala pa sila sang pagasuportahan nga presidential candidate bangud ila pa ginahulat nga mangin final ang listahan sang mga kandidato sa Oktubre 8 kag may yara pa sang substitution sa Nobyembre 15.
Wala pa man sila sang vice president kag ginalantaw pa ang sa bahin sang magapadalagan nga kongresista.
Ginkumpirmar man sini nga gindismiss sang korte ang petition nga ginfile batok sa iya nga may tinutuyo nga mahukas ini sa voter’s list sang ciudad.
Suno sa anay kongresista, iya na ginlauman nga mangin amu sini ang resulta bangud wala sang basehan ang mga ginabato batok sa iya.
