Ginkompirmar sang alkalde sa banwa sang Salvador Benedicto nga may yara sang nastranded nga mga bisita sa ila banwa matapos nga ang isa ka establisyimento komersyal ang natiphag kasunod sang sige sige nga pagbubo sang ulan.
Sa interview sang Bombo Radyo kay Mayor Marxlene Dela Cruz, halin sang Domingo madamol ang pagtupa sang ulan kag mabaskog ang hangin nga ginalantaw gintunaan sang pagkatiphag sang establisyimento.
Suno kay Dela Cruz, wala naka-gwa ang mga guest sang isa ka commercial establishment sa banwa matapos natiphag ang duta nga ginatung-tungan sang hagdanan nga naga angot sa establisyimento.
Suno pa kay Dela Cruz, ala una kahapon sang hapon sa pareho nga lugar, natumba man ang kahoy kun sa diin nagdalahig sini ang poste nga nagresulta sang brownout kag pagka-atrasar sang mga motorista.
Tungod sa natabo, temporaryo nga ginpasiraduhan ang establisyimento kag nagpagwa sang memorandum ang alkalde agud ma-inspect ini sang engineering department sang banwa.
