Naghingyo sang pasensya ang Cooperative Promotion Head sang Central Negros Electric Cooperative (CENECO) sa mga member-consumers sa nagakatabo nga brown-out sa Bacolod City, kag ginpahayag nga ini ang bangud sa makusog nga pag-ulan kag mabaskog nga paghuyop sang hangin tuga sang Typhoon Maring.
Sa interview sang Bombo Radyo kay Ma. Luisa Parroco, ginpahayag sini nga bangud sa bagyo, madamo sang mga linya sang kuryente ang natumbahan sang kahoy kag madamo man sang mga insulators nga naglinupok tungod sa mabaskog nga pag-ulan.
Suno sa iya, apisar sang sini nga mga isolated cases, alerto gid ang mga tawo sa CENECO.
Suno diri, wala nila ginahungod ang pagdula sang elektrisidad kag madamo nga dalalagko nga mga insident tuga sang bagyo.
Suno sa iya, ila ginapasunod ang mga trouble nga ginareport sa ila, kag gina-una ang dalagko ukon ang mga nagakinahanglan gid sang atensyon.
Suno kay Parroco, makasalig ang mga pumuluyo nga nagatrabaho gid ang ila emergency service unit.
