Patay ang isa ka barangay tanod matapos ginlabo sang iya kaangay nga tanod sa Barangay Inulingan, Moises Padilla.
Sa interview sang Bombo Radyo kay Police Captain Randy Babor, hepe sang Moises Padilla Municipal Police Station, off duty kag nagainom-inom samtang nagahampang sang pool si Noli Carpentero, 48 anyos kag Aji Banares, 42 anyos, lunsay mga residente sang nasambit nga lugar.
Suno kay Babor, nagbaisay ang duha ka tanod kag hinali lang nga ginlampusan ni Carpentero sang tako si Banares.
Nagbalos naman ang suspetsado kag nagkuha sang bladed weapon kag ginlabi si Carpentero.
Nakaagom ini sang patal nga pilas sa ulo, abaga kag lawas nga gintunaan sang iya kamatayon.
Gilayon naman nga nagsungka si Banares sa barangay kag magapangatubang sang kaso nga homicide.
Suno sa hepe, wala sang daan nga hiligut-anon sa tunga sang duha ka tanod kag posible nga nahimo lang ang krimen bangud sa kahulugbon.
