Duha ang patay kag isa ang pilason sa pagpanglabo nga nagluntad sa Sitio Mambalayong, Barangay Mahalang, Himamaylan City sang Lunes.
Sa interview sang Bombo Radyo kay Police Lt. Arturo Margallo Jr., deputy chief sa Himamaylan City Police Station, nagpadulong ang suspetsado nga si Danny Lahaylahay, 50 anyos kag residente sang Barangay Tubugan, Kabankalan city sa puluy-an nanday Merly Lahaylahay, 48 anyos; Egie Era, 38 anyos kag Carlos Era, 70 anyos, lunsay mga residente sang Sitio Mambalayong, Barangay Mahalang.
Suno kay Margallo, pag-abot ni Danny sa balay nanday Merly, hinali lang niya nga ginlabo ang tatlo.
Dead on the spot si Merly samtang ginbawian naman sang kabuhi si Carlos sa ospital.
Suno sa deputy chief, may alegasyon nga ginpalapta ni Merly nga may relasyon ang bayaw sini nga si Danny sa isa ka babaye nga ginkilala lamang kay Alias Mayet gani iya nahimo ang krimen.
Sa karun at large ang suspetsado kag padayon pa nga ginapangita sang mga kapulisan.
